2014年1月6日 星期一

六道菜聖誕大餐:龍蝦茴香蕪菁嫩菠菜沙律, 香草焗蝸牛, 白酒煮青口, 檸檬雪葩, 火腿茄乾雞卷, 紅酒燉牛肉 six-course Christmas feast: lobster fennel salad, baked herbed escargot, mussels in white wine sauce, lemon sorbet, chicken roll stuffed with ham and sundried tomato, beef bourguignon

上文介紹了給家人炮製聖誕大餐的餐桌擺設,現在是戲肉了。不計甜品和茶,這餐足足有六道菜,非常豐盛。這是我們第一次煮正式sit-down dinner給這麼多人吃,有別於派對模式,所以還是有點壓力的。我們分工合作,由早忙到晚,每樣也好吃!最重要是「一次過」與兩邊的家人慶祝聖誕,無需多煮一餐,化算~

龍蝦茴香蕪菁嫩菠菜沙律

龍蝦茴香蕪菁嫩菠菜沙律


紅綠白,完全是聖誕的主題顏色,是不是很吸引呢?這裡用了兩隻龍蝦拆肉(很豪氣啊),以沙律醬拌一拌,蔬菜部份則只用橄欖油、海鹽、黑椒調味,不會掩蓋茴香和蕪菁的獨特清香。爽脆與鮮嫩口感混雜,刺激胃口,一片葉也不剩,這隻碟可是巨型尺寸的!

龍蝦茴香蕪菁嫩菠菜沙律

香草焗蝸牛

香草焗蝸牛

這是超市急凍貨,焗十分鐘就可以了,是最輕鬆的一道菜。可惜,原來老爺奶奶是不吃蝸牛的,要扣分了...

 香草焗蝸牛


白酒煮青口


白酒煮青口

好大的一盤!兩公斤的活青口產自法國,肉質超級無比的鮮嫩甜美。有blog友說過,買不到法國活青口不如不吃,我是完全同意的。那些急凍青口又硬又腥,無論怎樣煮都不會好吃,是天與地的分別啊!不要再虐待自己了! 

白酒煮青口

製法不能再簡單。以牛油起鑊,炒香洋蔥和蒜茸,倒進白酒煮滾。下青口後蓋上蓋,青口一打開殼就關火,灑點歐芹、檸檬汁和黑椒拌一下。看到它們有多succulent嗎?鍋底的湯汁用來伴法包,叫人停不了口,差不多喝光了!

白酒煮青口
檸檬雪葩

檸檬雪葩

既然下了決心弄一桌正式西餐,索性連雪葩也造了。裡面有新鮮的檸檬皮,酸酸的很清新。給賓客清口腔準備迎接濃味的主菜,也讓梁生有時間製作下一道菜式。這是我的新嘗試,味道好,但質感不夠綿密,那是因為忙著招呼家人,沒有攪拌足夠,把它雪得太硬了。下次會改善,食譜遲些分享。

檸檬雪葩
 
火腿茄乾雞卷

火腿茄乾雞卷
  
全是梁生一手包辦的,食譜可看此。今次是加強版,他在每條雞卷中間加了一抹肝醬,更香口。還有用冰格裡的陳年車厘子,煮了櫻桃醬汁伴吃,很有節日風味。


火腿茄乾雞卷

紅酒燉牛肉

紅酒燉牛肉
  
這是我的拿手菜了。今次改良了之前的食譜,紅酒少一點,雞湯多一點,和加了西芹。一早起來就開始炆,方法是煮一會,關火一小時讓它自生自滅,重覆幾次,肉質就會很鬆化。吃之前再煮滾,加入磨菇和迷迭香rosemary。

最後,撈起一些湯汁與意粉拌勻,一流!單吃這個也行!家人看到我捧出一鍋牛肉和一盤意粉,紛紛說投降,但最後還不是將意粉全幹掉了~

紅酒燉牛肉

雖然辛苦,但一家人過了很愉快的一晚,臨別一句「仲好過出街食」是最大的鼓勵。

開心的當然還有小狗,一有客人來就會知機地在桌底等著「執死雞」,偶然有人不小心將食物掉在地上,牠便「發達」了!

pug

50 則留言:

  1. 好豐富的一餐, 禾都想學檸檬雪葩的做法呀, 可以分享嗎?
    PS. 小朋友著哂衫仔好得意, 介紹多D啦, 幾歲?? 仔定女??

    回覆刪除
    回覆
    1. 會呀, 下次寫食譜
      其實材料好少, 係要耐性同時間
      隻狗係仔, 就快兩歲了
      我地錫到佢燶架, 不過呢幾日佢病左, 嘔呀, 好心痛
      睇左醫生, 希望食藥會好轉

      刪除
    2. 會唔會因為天氣又凍又熱咁, 所以病呀? 要快D好返呀小朋友

      刪除
    3. 呢幾日冇嘔, 不過便便好唔正常, 最怕佢吞左異物

      刪除
  2. 買不到法國活青口不如不吃, 真的, 青口要嫩嫩既先好食...
    好好叻呀, 煮大餐, 又好睇又好食....

    回覆刪除
    回覆
    1. 咁辛苦的工作, 真係唔可以成日做!

      刪除
  3. 好豐富的一餐!
    挑戰 sit down dinner 考驗自己的 logistics management, 如何安排美味菜餚而不用 chained to the kitchen好高難度!

    回覆刪除
    回覆
    1. 真係架, 呢餐其實除左sorbet外, 樣樣之前都煮過, 有信心不會難食
      但時間控制要plan

      刪除
  4. 真係見到都覺得好過出街食.

    回覆刪除
  5. 兩公婆夾手夾腳煮大餐真好, 我老公係從來唔入廚房的.

    回覆刪除
  6. 好豐富呀! 一家人喺屋企可以慢慢食, 真係特別開心呢~

    回覆刪除
  7. 難得你兩個都鍾意煮。下次請客跟你個餐單至得。

    回覆刪除
  8. 狗狗個樣好傻...我中意呀...

    回覆刪除
  9. 好豐富... 而且賣相好正!

    回覆刪除
  10. 好豐富. 自己煮好過出去同人迫啦.

    回覆刪除
  11. 好鍾意個豪氣沙律,正!
    唔講真係唔識原來要食嫩口青口秘訣係"新鮮"謝謝!

    回覆刪除
    回覆
    1. 呢個唔係秘訣, 係真理!
      青口新鮮已經成功左八成, 有幾難煮呢? 根本唔會失敗
      青口唔新鮮, 就注定失敗

      刪除
  12. 兩公婆都煮得一手好菜式.....勁呀
    小狗做清道夫......真係好幫得手^^

    回覆刪除
    回覆
    1. 佢唔可以做清道夫!
      我阿爸跌左成隻青口落地, 佢即刻執左, 我地要由個口撬番出黎!

      刪除
  13. 好豐富的聖誕大餐,全是我的favorite dishes. 真是煮的開心,食的欣賞!
    2014新年快樂!

    回覆刪除
    回覆
    1. 全是你的favorite dishes? 嘩真係咁岩?

      刪除
  14. 好勁呀你~~~~~~勁豐富呀!!!!!!!!好想我係坐上客~~

    回覆刪除
  15. 好犀利一個人煮咁多仲 要樣樣都唔係簡單野,勁!

    回覆刪除
  16. Mr and Mrs Leung:
    ~你哋兩個都係識煮, 識食之人, 蝶蝶都好美味!!
    ~我鐘意你中途有lemon sorbet 食, 可以洗一洗味蕾, 先食主菜!

    回覆刪除
  17. 個青囗好誘人呀,真係流哂口水,正

    回覆刪除
  18. 要跟你做法整青口先, 未整已聞到香味

    回覆刪除
    回覆
    1. 其實青口來來去都係咁整架啦
      不過有人會加忌廉

      刪除
  19. so nice dinner!
    fa fa plates are so pretty!!

    回覆刪除
  20. 真係好豐富,老實講煮完一大餐,真係好睏... 不過好同意你所講, 一句"好過出街食", 真係乜都抵返 :)

    回覆刪除
  21. 嘩,好豐富呀!絶對好過出街食啦!

    回覆刪除
  22. 嘩,睇到都好想食,由其是個香草田螺

    回覆刪除
  23. 你仲叻!道道菜睇得又食得。活青口是在City Super 買嗎?? 而家出街食好多都是又貴又唔好食,辛苦少少自己煮都係值架!

    回覆刪除
  24. 咦?我之前個留言唔見咗?

    我想話你哋好似比較鍾意食西菜,我好老土,永遠都會揀中菜(或者日本菜)。

    回覆刪除
    回覆
    1. 其實唔係架, 我鍾意食中菜多啲
      只係平時好多求奇煮的家常小菜冇乜特別, 費事放上blog之嘛

      刪除
  25. 真係好掂!讚!
    開心的當然還有小狗,一有客人來就會知機地在桌底等著「執死雞」,偶然有人不小心將食物掉在地上,牠便「發達」了!>>>>Haha 佢可能想你日日開party!

    回覆刪除
  26. 真係好得!
    在香港可以在哪找到法國青口?試過在citysuper買但都不夠新鮮

    回覆刪除
    回覆
    1. 我係citysuper買的
      可能聖誕期間好多人買,佢入左好多貨,而且去得好快, 所以夠新鮮

      刪除
  27. 食物好豐富, 真係睇到流口水呀~~~

    回覆刪除

發布留言前剔選「通知我」,你就會收到我的回覆提示

Related Posts Plugin for WordPress, Blogger...